Pub
Por: Cláudio Tavares

 Claúdio Tavares

Txuba!

Dja nu bebi rekadu ki bu manda-nu
Ku rafega di bentu ki pasa gosi li
I nos tudu nu fika ku surizu ratxadu…
So di sabi ma bu sta na mara troxa 
Pa bu kunsa ben sen dia di bai

Nu kre fla-bu tanbe pa bu ben diskansadu 
Pamodi nu sta ku kurason abertu ta spera-bu 
Vizinhus dja ka marka simentera
Omis dja ka nkunha inxada 
Ki dja duraba prindadu na kumera di kasa 
I mudjeris dja ka poi simenti na vental
Es teni pe ku gana di ntudja koba.

Ben faxi fla-nu mantenha
Pamodi nu sta li xintadu lapu 
Uns ku mo pregadu na kexada ta matuta
Otus ku brusu abertu ta spera bu abrasu solopadu.

Txuba amigu!
Nu sa ta pidi-bu so pa bu ka fase-nu
Sima anu di riba ki bu arma so arma i bu ka ben
I tudu nasenti seka seku toradu
I limaria fika ta bebi bentu
I ta kumi pedra pa ka mori ku bariga intxadu.

Ai, txuba amigu!
Tanbe ka bu ben so ku faronpa 
I nen ku dizaforu
Pa bu ka foga kasa di fidju parida ku bu furia

Anda faxi, ben fla-nu mantenha 
Ku agu ki ta disprinda di bu rostu
Ti ki bisti tudu nos rubera di speransa
Sima nomi di nos tera, Kau Berdi!

 



APOIE SANTIAGO MAGAZINE. APOIE O JORNALISMO INDEPENDENTE!

A crise na imprensa mundial, com vários jornais a fechar as portas, tem um denominador comum: recursos financeiros. Ora, a produção jornalística, através de pesquisas, entrevistas, edição, recolha de imagens etc. Tem os seus custos. Enquanto está a ler e a ser informado, uma equipa trabalha incessantemente para levar a si a melhor informação, fruto de investigação apurada no estrito respeito pela ética e deontologia jornalisticas que caracterizam a imprensa privada, sobretudo.

Neste momento em que a informação factual é uma necessidade, acreditamos que cada um de nós merece acesso a matérias precisas e de interesse nacional. A nossa independência editorial significa que estabelecemos a nossa própria agenda e damos nossas próprias opiniões. O jornalismo do Santiago Magazine está livre de preconceitos comerciais e políticos e não é influenciado por proprietários ou accionistas ricos. Isso significa que podemos dar voz àqueles menos ouvidos, explorar onde os outros se afastam e desafiar rigorosamente aqueles que estão no poder.

Portanto, se quiser ajudar este site a manter-se de pé e fornecer-lhe a informação que precisa, já sabe que toda contribuição do leitor, grande ou pequena, é tão valiosa. Apoie o Santiago Magazine, da maneira que quiser, podendo ser através da conta nº 6193834.10.1 - IBAN CV64 000400000619383410103 – SWIFT: CANBCVCV - Correspondente: TOTAPTPL - Banco Caboverdeano de Negócios - BCN, ou por meio deste dispositivo do PayPal.


APOIE SANTIAGO MAGAZINE. APOIE O JORNALISMO INDEPENDENTE!

Comentários  

+2 # Batalha 28-11-2018 13:46
Uhauuu. Gostei amigo! Muito interessante! Forsa!
Responder
+2 # Kutta 27-11-2018 08:55
Rapassinhu la di fundu Saltos
Screbi letras k parci ma saíl de Alma
Txuba debi sta nsodadu
pmd seh lé es letra eh ta bem gossi

Ca bu fadiga, pa anu eh ta bebi recadu
eh ta modjanu txon
Papai ta discumera inxada
Mamai ta intudja coba!
Responder
+2 # Cláudio Tavares 27-11-2018 13:05
Pura verdade. Bunitus palavras di bo. Ben di alma sim pmd asima di tudu, nha sangi e di kanpunes. Abrasu.
Responder
+3 # Jair selassie 26-11-2018 23:46
Felicitações Grand Clau grande historiador sem fla pista.abtasom
Responder
+3 # Tomé Varela 26-11-2018 18:15
Nhas filisitason pa Cláudio Tavares, purmeramenti, pa domini dimonstrádu na kel si testu li di alfabétu káuberdiánu (inkuántu stromentu di spreson skritu), dipos (o simultaniamenti) pa si sensibilidádi ratratádu na testu.
Responder
+3 # Cláudio Tavares 26-11-2018 20:11
Palavra animador di nha amigu Tomé. Nhas pasus e grasa a konbersu ki N ten ronkadu nu livrus di nhos ki-m ta sigui ku atenson.
Responder
+2 # Marciano Moreira 26-11-2018 16:19
Es ki e puema ki ta spresa nos orason anual ku tudu veruzimilhansa, pabia el ta uza lingua ki nos kanpunezis ta uza. Kes puema ku es tema i ki ta uza otu lingua e ton disprovidu di veruzimilhansa ti pontu di ta roxa na ridikulu. Pa konpostura, es puema sta ku perfeison ortografiku di pontu di vista di kes 11 bazi (regra) di alfabetu kabuverdianu! Bravu! Forsa!
Responder
+2 # Cláudio Tavares 26-11-2018 20:15
Obrigadu nha amigu... na verdade kontributi di nho e grandi nes kaminhada.... "Djuntu nos e mas forti."
Responder