• Praia
  • 29℃ Praia, Cabo Verde
Kuasi tardi
Cultura

Kuasi tardi

N mori onti meia noite em pontu

Di infesson pamodi doctor skesi Tran pontu

Sodádi nha kodé ta leban trabesádu

nka dispídi, e ka dexadu kamba dentu

Nta leba recordason tristi di nhas kolegas di kuartu

Ki di noti ta txora ta grita sen ki es obidu

Pamodi dotoris sta na sonu

Otus sta na namoru...

Nha petu ta bai fridu

Di sabi ma nha povu e sokotiadu

Pa ambus ladu

- clima ka sata djuda-nu

Homis na puder é segu.

Nha dor e tamanhu

Ki n ka podi mas.

Speransa as ves ta pidi morri

E sta fraku.

Li sin na nha enterru

N áta sisti láguas di mintira

Gritus di cinismu

Diskursos bunitu, más vasío.

Hoji, ti presidenti sta li

Pake, si na bida nka ligadu?

Nhos guarda flor bunitu,

Konbersu Sabi...

Pa rasgata mininus di rua,

Bedjus ta mori di solidon

Doenti mental fuliadu.

N áta obi tudu nhos palavras di "Amor".

Si es ten valor

Lebas pa nha mossinhus ki mesti...

Pamodi mi djan bai.

Partilhe esta notícia

SOBRE O AUTOR

Redação